Programme

Et gëtt vill Blabla ëm dat, wat Konscht ass, wéi eng Roll se an eiser Gesellschaft anhëlt a wat fir eng Funktiounen se erfëlle soll. Am Idealfall kann d’Konscht eppes ausdrécken, wat iwwert aner Kanäl net auszedrécken ass. Si ka beréieren, iwwerraschen, ofschrecken, begeeschteren, langweilen, sozialkritesch sinn … — sou wäit sou gutt, zumindest an der Theorie. Oder ass dat a Wierklechkeet alles just waarm Loft?

D’Ausstellungsraim bleiwen oft steril a suggeréieren eng Distanz. Kritesch Froen a Bemierkunge sinn hei net ubruecht. Dës Grenze probéiere mir mat eisem Format ze briechen: Hei däerf een sech trauen ze denken an ze äusseren, wat ee soss just sengem Kolleeg um Heemwee vun enger Expo seet.

Mir brénge Konschtschafender an hire Public zesummen an testen d’Konscht als Kommunikatiounsmëttel an der Praxis — fort vun de wäisse Maueren an der Galerie, hin zum direkte Kontakt mat de Leit: Wat fir Froen, Associatiounen a Reaktioune kommen op?

Mir invitéieren op en onkonventionellen Owend: Jeeweils zwee Konschtschafender weisen eng Selektioun u Wierker, unhand vun deene mer eis op eng virwëlzeg souwéi kritesch Rees maache ronderëm d’Fro: Wat soll dat Ganzt iwwerhaapt?

E spezifescht Virwëssen ass net néideg. Jiddereen, deen sech ugesprach fillt, ass Wëllkomm!

Wéi eng zwee Konschtschafend dës Kéier dobäi si gëtt nach bekannt ginn. .

Stay tuned!

---

OPGEPASST: Dës Kéier fënnt d’Event am CAPE – Centre des Arts Pluriels Ettelbruck statt.

---

Den Entrée ass gratis. Ëm eng Umeldung gëtt gebieden (via info@ewb.lu).

Méi Informatiounen fannt Dir hei.

---

Projet Sapere Aude 2.0, mat der frëndlecher Ënnerstëtzung vun der Œuvre Nationale.