Programme

Matten an Däitschland läit eng Stad, déi Hameln heescht. Hameln ass weltberüümt!
Et ginn iwwerall Spillplazen, Äppelbeem, Glaceverkeefer... a Bänken, op déi ee sech sëtze kann, wann d'Sonn
schéngt. An d'Awunner begréisse sech frëndlech a beschäissen sech och net ze vill hannert dem Réck.
Et geschitt matzen an der Nuecht... a mueres, esou géint 8 Auer, rifft de Bäcker Quetschekraut:
- "Meng Petit-Fouren!! Meng Petit-Foure si verschwonne!"
De Metzler jäizt:
- "Méng Wirschtercher sinn net méi do!"
D'Madamm Félicie vum Kéisbuttek jéimert:
- "Bei mir woren d'Raiber ...mäi ganze Kéis ass fort!"
De ganze Gemengerot leet d'Stier a Falen a mécht sech ganz vill Suergen.

No deem groussen Erfolleg vu sengem "Rotkäppchen", dat iwwert 300 Mol a ganz Europa gewise gouf, daucht den Dan Tanson nees eng Kéier an déi magesch Welte vun de Bridder Grimm.
"De Ratefänkert vun Hameln" ass eng spannend Mëschung vun der Originalgeschicht an zäitgenëssescher Situatiounskomik, dëst zesumme mat Live-Musek a fantasievollen Illustratiounen.

Erzielung: Betsy Dentzer
Flütt: Juan Carlos Díaz Bueno
Perkussioun: Louisa Marxen
Konzept a Regie: Dan Tanson
Illustratiounen: Vincent Biwer
Kostümer: Alexandra Lichtenberger
Produktioun: Philharmonie Luxemburg

Le spectacle a lieu sous le respect des consignes d'hygiène et de précaution recommandées par le gouvernement.
Nous vous prions de réserver vos places en avance. Une participation sans réservation préalable n'est pas possible.